Popular Bible Verses from १ तिमोथी 3

Share

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

सेल्याके मण्डलीके देख-रेख करेवालासिमे यी गुणसब होना चाही: ओकरासिमे कोनो दोष नै होना चाही। आर ऊसब आपन पतनीके प्रति वफादार होना चाही। ऊसब शान्तिके साथ व्यवहार करेवाला होना चाही। ऊसब अपने आपके वशमे राखेवाला होना चाही। ऊसब आदमीसिके द्वारा सम्मान पैल होना चाही। ऊसब आपन घरमे मैजमानसिके स्वागत करैले तैय्यार रहे पडैछै आर ऊसब परमेश्वरके वचन सिखाबे सकेवाला होना चाही।

ऊसब आपन घर-परिवारके बढियाँसे चलाबे सकेवाला आर व्यवस्थित होना चाही, आर ऊसब आपन बाल-बच्चासिके सभे बातमे आदरके साथ आज्ञापालन करैले सिखाबे पडैछै।

मण्डलीके सेवक आपन पतनीके प्रति वफादार होना चाही। ऊसब आपन बाल-बच्चासिके आर घर-परिवारके बढियाँसे चलाबेवाला आर व्यवस्थित करे सकेवाला होना चाही। जे मण्डलीके सेवकसब बढियाँसे मण्डलीके काम करे सकैछै, ऊसब आदमीसिके द्वारा आपन लिए सम्मान पाबैछै आर ऊसब येशू ख्रीष्टमे आपन विश्वासके बारेमे साहासके साथ बोले सकैछै।