Popular Bible Verses from Abalewi 26

Share

Nzagendera hagati muri mwe mbe Imana yanyu, namwe mube ubwoko bwanjye.

nzajya mbavubira imvura mu bihe byayo, ubutaka buzajya bwera imyaka yabwo, ibiti byo mu mirima bizajya byera imbuto zabyo.

“Nimuhora mwumvira amategeko yanjye, mukitondera ibyo nategetse mukabyumvira

“Kandi nzaha igihugu kugira amahoro, muzaryama ari nta wubateye ubwoba, kandi nzamaraho inyamaswa z'inkazi, kandi inkota ntizanyura mu gihugu cyanyu.

Nzabitaho mbororotse mbagwize, nkomeze isezerano ryanjye namwe.

Ndi Uwiteka Imana yanyu yabakuriye mu gihugu cya Egiputa kugira ngo mutaba abaretwa babo, nabatuye umutwaro wabahetamishaga mbagendesha mwemye.

Nanjye nzashyira ubuturo bwanjye hagati muri mwe, umutima wanjye ntuzabanga.

“Ntimukareme ibigirwamana by'ubusa, ntimugashinge igishushanyo kibajwe cyangwa inkingi y'amabuye, kandi ikibuye cyabajweho ibishushanyo ntimukagishyirire mu gihugu cyanyu, kugira ngo mwikubite imbere yacyo, kuko ndi Uwiteka Imana yanyu.

Muzarya ibigugu bya kera, mudahe ibigugu kugira ngo mubone aho muhunika ibishya.

Abatanu muri mwe bazirukana ijana, ijana muri mwe bazirukana abantu inzovu, ababisha banyu bazagushirizwa n'inkota imbere yanyu.

Ihura ryanyu rizageza mu isarura ry'inzabibu, iryo sarura rizageza mu ibiba. Muzajya murya ibyokurya byanyu muhage, mube mu gihugu cyanyu amahoro.

Muzirukana ababisha banyu, bagushirizwe n'inkota imbere yanyu.

Mujye muziririza amasabato yanjye, mwubahe Ahera hanjye. Ndi Uwiteka.