Popular Bible Verses from Zacarías 9

Share

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

An ka anuaxa suntárukama Israelnën, menuax ꞌakanankë caballonën nirinkë akama ꞌimainun anuaxa Jerusalénnu ꞌikë suntárukama ꞌakanankë caballokama ꞌanan anúan ꞌakanankë aín kantikama aribi këñuti ꞌikën. An ka Israel kama ꞌimainun kamabi menu ꞌikë unikamax upiti tsónun ꞌimiti ꞌikën, an ka parúmpapa Mediterráneo kakë anuaxi parúmpapa itsi parúmpapa itsi anu ꞌikë unikama upiti bukunun ꞌimiti ꞌikën, ꞌimianan ka Éufrates baka anuxunbi uinu kara me sënënakëakëxa anu sënë́nbi unikama ꞌakinti ꞌikën.

A nëtë ꞌikëbëtan ka Diosan, aín unikama ië́mikin an ñuina bërúankë unían aín ñuina ꞌakësaribi okin bërúanti ꞌikën, usakin ꞌakëx ka aín unikama atun ëmanuabi upíira maxákama aín maitinu purukë ꞌichúkë usai ichuti ꞌikën.