Popular Bible Verses from Miqueas 3

Share

ꞌAínbi ka Diosan an kakësabiokin ꞌaia aín bëru ñunshinan ꞌakinkëx ꞌëx kushiñu ꞌianan rakuëma uni ꞌixun atu ꞌakinun ꞌë ꞌimiaxa, usa ꞌixun kana atu bana ñuixunkin Dios ax ka kushiira ꞌikë kixun Israel unikama kanan atux ami ꞌuchakian an kuëënkëma ñuishi ꞌakë akama kati asábi ꞌain.

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Achúshi nëtën kamina mitsun Dios ꞌakinun kixun kati ꞌain, ꞌaínbi ka mitsun ñukákëxun an kuatima ꞌikën. A nëtën ka Dios mitsumi unë́kësa ꞌiti ꞌikën ñu ꞌatimaira ꞌaimi ami ꞌuchakankë ꞌain.