Popular Bible Verses from Ɓalɔma 1

Share

Ɛmɛ maaɓɨakɨa Ɨsaʉ yɛɛ Iɗo chʉkɔmʉ nʉ soni. Jʉ Ɨsaʉ yɛɛ Iɗo ngiinanɨ ya angu wʉ Asʉɓɨɨ aka ekoo hiiso ɓombi kʉ ɓuɓomu ngiɓa ɓaabaya. Pɛɛ‑zʉ Ɓayuda, mbise ɔngɔ tiga ɓombi ngiɓa ɓambʉkɔmʉ Ɓayuda.

Jʉ Ɨsaʉ yɛɛ Iɗo yaapana ɨngbaa tɨmanɨ iya Asʉɓɨɨ aanicho‑ɔɔ mombi kʉka ngbingbii apɛɛ angɔ 'upi akʉ baya. Ɓa꞉tɨndakɨa ɓata amati ʉ Mubio kʉ Asʉɓɨɨ kʉ ɓɔ: « Mombi ɔɔ ngbingbii aɓio kʉkʉʉ 'upi akʉ baya. »

Kʉʉngwa aka Asʉɓɨɨ a꞉kyɨa‑ɔɔ ɨtaka, ɓamoni ngiɓangɔ iɓa ɓambakaɓʉna akʉ mesu, iya yakusigo ɓɔ angu ngiangɔ wʉ mɨtʉ yɨ ɨpá nʉ mɨtʉ yɨ ɨpá, nʉ ʉɓɨɨ nguangɔ aka a‑ɔɔ Asʉɓɨɨ, ɓombi ɓa'ʉna kingono 'upi akʉ kuu ngiangɔ. Kʉ ɓwanɨ, yambʉkɔmʉ aka ɓa꞊kwanana‑ɔɔ kʉpɨa ɓombi ngiɓʉnanɨ.

Jʉ abana ndʉ ɓaambɨa Asʉɓɨɨ kititi, ɨkyɛmɨngana ɓambakamubibiso ndʉ aka yɨkwanana‑ɔɔ kʉkyɨa akʉ Asʉɓɨɨ, nʉ ɓambakamutuisio ɨbɨba kʉ ɓwanɨ. Ʉna tɔ, itungwio yɛɛ ɓɨɓɨ ngiindaɓʉ yi꞉nye tii tʉkʉ kʉ gbaɨ ekoo Asʉɓɨɨ, nʉ mbɨmbanaka ngiindaɓʉ yi꞉nye tii tʉkʉ amati ʉ umomo.

Ɓaanicho moni kingono ngika kʉ Asʉɓɨɨ kʉka tiga moni kʉ yakanaka. Ɓakubibiso kumbo ngia Asʉɓɨɨ a꞉'ʉkyɨa, chʉkɔmʉ ɓambuɓio kubibiso Asʉɓɨɨ ngia a꞉kyɨa kumbo ngiinanɨ, iya anʉ ɨbɨba akʉ mɨtʉ yɨ ɨpá nʉ mɨtʉ yɨ ɨpá! Ya ɓwanɨ.

Kʉʉngwa ekoo ʉ ɓisi, Asʉɓɨɨ akʉpananiso 'ʉnganga nguangɔ ekoo ɓombi ngiɓa ɓaakyɨa ɓʉɓɨɓɨ nʉ mɨgbʉ yɨ ɓamoni yɛɛ ɓɨɓɨ ɓɨɓɨ kʉ iɓomu. Jʉ lɨkyananakɨa lɔɔ ɓɨɓɨ ngilʉndaɓʉ laanangyo ɓombi kupimiso ingono.

Tiga kʉ ɓwanɨ, Asʉɓɨɨ a꞉ɓʉsɨa ɓɔ ɓuɓio kʉkpata taa yɨ moni kʉ soni ngikʉndaɓʉ. Ɓoi ɓʉndaɓʉ ɓambakajunikio tii ndʉ ɔɔ gue nʉ moi. Ɨkyɛmɨngana, ɓoi ɓaajunikio tiga kʉ ati ʉndaɓʉ ɓoi. Ɓugue ngbanga kʉ ɓwanɨ, ɓa꞉sɨa kujunikio ndʉ ɔɔ gue nʉ moi sɨaa. Ɓa tiga nʉ ɨvamʉ kujunikio kʉ ati ʉndaɓʉ ɓugue. Iinanɨ yanaɓɔ kʉnapɨa nʉ 'ʉkɔmbɔ uwa wʉkwanana nʉ ikanzi yɨ ɨkyananakɨa ngiinanɨ. Ndʉ ɓombi ngiɓʉnanɨ ɓambikinye kʉkʉnda kʉmbɨa Asʉɓɨɨ, ɛyɔ ambʉɓʉsɨa tii tʉkʉ kʉkpata mbɨmbanaka yɛɛ ɓɨɓɨ ngiindaɓʉ. Iiya ɓa tiga‑ɔɔ tii tʉkʉ kʉkyɨa moni ngika kʉkwananakɔmʉ.

Ɓaabandana ɓɔ ɓanʉ 'ʉtʉma wɔɔ pimise moni, ʉna tɔ ɓambakambɨa ɨkyɛmɛ. Nʉ ɓata, akʉ izi nga yɛɛ bibise Asʉɓɨɨ ngia ambakawo, ɛɓɔ ɓi꞉nye tiga kubibiso madupepe ngia ɓa꞉ituo ndʉ mombi ngia aawu woni, yɛmo ndʉ ɓunoi, nʉ ndʉ ɓanama ngiɓa ɓaaɗuɗono mamaa akɛsɨ.