Popular Bible Verses from रोमी 1

Share

क्याकि ख्रीष्टका बारेमिको सुसमाचारमि म गर्व अद्दउ। क्याकि बिश्वास अद्द्या हरेकलाइ बचाउनाइ परमेश्वरले सक्ति प्रयोग अददाहान। पइल्ली यहुदि मान्सनलाइ रे पइ गैर-यहुदि मान्सनलाइ लगइ बचाउनाहान।

क्याकि सुसमाचारमि परमेश्वरले प्रकट अददाहान कि कसेरी उनले मान्सनलाइ धर्मि छन भणि घोषणा अद्द सक्दाहान, त्यो धार्मिकता जो सम्पूर्ण रुपले विश्वासइ बठेइ आउन्छ। जसेरि पबित्र धर्म सास्त्रमि लेखिरइछ, “त्यो मान्स जइलाइ परमेश्वरले बिश्वास बठेइ धर्मि बनाया छ, त्यो बाच्या हो।”

परमेश्वरको अनन्त सक्ति रे स्वभाव धेक्द सकिनइन। तर संसारको सृष्टि भया बठेइ परमेश्वर आफइले बनाया चिजमि उनरा स्वभाव कसा छन भणबर धेकाइराइछ। तबइकिलाइ तिन मान्सनसित केइ बाहाना आथिन।

क्याकि परमेश्वरलाइ पछेणिबर लगइ तिननले परमेश्वरलाइ दिनु पड्ड्या आदर दिएइन्न, न त धन्यबाद चडायो, तर तिनन आफना बिचारमी बेकाम छन, रे तिनरा मुर्ख बिचार सब गलत छन।

क्याकि तिननले परमेश्वरका बारेमिको सत्यलाइ इन्कार अर्यो, रे तिननले झुटमि बिश्वास अर्यो, रे सृष्टिकर्तालाइ छाडिबर बरु सृष्टिको आराधना रे सेवा अर्यो। उनरो सदाइ प्रसंसा हुनु पणन्छ। आमेन।

परमेश्वरको क्रोध तिन मान्सनका सारा भक्तिहिन रे अधर्मि कामका बिरुद्द स्वर्ग बठेइ प्रकट होइरइछ, रे सत्यलाइ तिनले अर्या दुष्ट कामले बिरोध अरन्छ।

तबइकिलाइ परमेश्वरले तिननलाइ लाजमद्दो अभिलासाकी निउति परमेश्वरले छाडिदियो, याँ सम्मकि आइमाइले बैकानको चाहाना अद्द बन्द अर्यो बरु तिनन और आइमाइको चाहाना अरनथिन। रे तसेरि आइमाइ तिरको स्वभाबिक ब्यहोरा छाडिबर एक-दोसरा सित अभिलासाका जलनमि बैकानले बैकानसित लाजमद्दो काम अर्यो, रे तिननले गलत काम अर्या हुनाले पाउनु पड्डया दण्ड आफइले आफइमी लेया। रे तिननले परमेश्वरको पुरा ज्ञानलाइ स्वीकार अद्द उचित माणइन, क्याकि परमेश्वरले लगइ तिननलाइ त्यो सब अनुचित काम अददाइलाइ तिनरा कुबिचारमी छाडिदियो।

बुद्दिमान छु भण्न्या दाबि अर्या लगइ तिनन मुर्खइ भया, रे सदाइ जिबित रन्या महिमाका परमेश्वरको आराधना अददुको सट्टा तिननले नास हुन्या मान्सन, चडाचुडि, चारखुट्टया जनाबर रे घसणीन्या जीव जन्तुका मुर्तिको आराधना अर्यो।