Popular Bible Verses from Matye 13

Share

Bɛdhiiti bot kadi ɛ́ dáa mɛbhek mɛ nakwyit kɔ mbɛɛ bɔs ɛ. Bɛ ɛpegwak Mɛkpa ɛ Zɛɛb, myaal yɛ nɛ lyem wat, bɛ kakɛ ɛ́ dáa Zɛɛb kwyɛl ɛ. Tin, yɛ waawum ɛbuɛpe. Yak mɛkam-mɛlɛl (30), yak mɛkam-mɛtɛn nɛ wat (60), yak dhet (100).»

Bɛdhiiti tɔ len gwak Mɛkpa ɛ Zɛɛb ɛ dáa kyee mɛbhek nakwyit tɔ engwyinini ɛ. Bɛ nɛ gwak Mɛkpa ɛ Zɛɛb, ye kabela ɛ́ náá, bɛ nɛ wa lyem tɔ ɛsiiza esa e bɔs, mɛvu mɛ di ekɔɔ bot kɔ bɔs'ak ɛ, nɛ mbee esiiza tɔ elyem bɔɔ ɛ di enyal Mɛkpa ɛ Zɛɛb. Tin, mɛbhek mɛ tak kadi ɛ́, ààwum.

Bɔs é ngwoob gba di bhek nakwyit ɔ, ye kwyɛl ɛlyaal ɛ́, bot ɛ nadi egwak etɛp Ɛyoŋ ɛ Zɛɛb, bɛ kadi ɛ́, ààmɛt ɛsuk ɛ tak ɔ. Tin, Mbee Mot eetuula, nyɛ eezɛdɛk mɛbhek bɛaa tɔ elyem bɔɔ ɛ.

Bɛdhiiti bot kadi ɛ́ dáa mɛbhek nakwyit kɔ bat ɛkok ɛ, é sok bɛ di egwak-gwakak Mɛkpa ɛ Zɛɛb ɛ, bɛ nɛ dyeebamyaala tɔ elyem bɔɔ. Tin, bɛ ààpakabet náá, mɛkpa mɛ tak pookoni bɛ tɔ ebhum elyem ɛnyɔɛpe. Bɛ kadi ɛ́, ààwa zii ɛbuɛpe tɔ ɛbaal ɛ mɛkpa mɛ tak. Tin, é ghɛŋ mezuk nɛ mɛbhowal aatuula bɛ kɔ ɛsu ɛ Mɛkpa ɛ Zɛɛb ɛ, ɛliig ɛ lɔɔ koŋ nɛ Zɛɛb ààbɔya.

«Ɛyoŋ ɛ di tɔ gwoo ɛ́ dáa di ɛkwom ɛ epata di syela tɔ pyeeb ɛ. Dáa dhiiti mot nakabela yɛ ɛ, nyɛ ɛ́ boobaazɛsyel yɛ é di sis tɔ pyeeb'enek. É di'enek, nyɛ moo ɛ́ tɔ mɛmyaala, etɛɛ náá, nyɛ waakɛbɔmsa esa bɛ djas, étɛp nyɛ neezɛbɔm pyeeb tak.

Tin, mɛbhek mɛ nakakwyit kɔ mbɛɛ bɔs ɛ, naakwyil ɛnyɔɛpe, wɔ gwaa, ye kwyil bhum. É kwos wat, bhum mɛkam-mɛlɛl (30), é yak, mɛkam-mɛtɛn nɛ wat (60), é yak tak, bhum dhet (100).»

Deenek, betka náá, mɛbhek menek djas wyee lɔɔg wat, kɛkum dwoo yɛ aakabɛ náá, bi moo kɛdis ɛ. Tin, mɛ waalɛɛ nɛ bot aakɛdis ɔ náá, bɛ pookokan sok ɛdis ɛ embee mɛbhek, da bɛ ɛ́ kɔl yɛ é di wat étɛp bɛ needik yɛ. Bhii tak ɛ bɛ aakasɛɛg embɛɛ mɛbhek, kwom kɔ taŋ'am.”»