Popular Bible Verses from Mɛsa 2

Share

Pyɛɛd eezɛbɔɔza nɛ nɔɔ náá: «Mot nɛ mot tɔ len, liigka elyem, da bi ɛ́ duwa Zɛɛb nɛ din ɛ Yezu Klisto, etɛɛ náá, mesyem men neepelaa. Bhii tak, bi ɛ́ waabela ekɛk ɛ Zɛɛb, Sisim na Dɛɛ.

Bɔɔ djas naadyeebawa zii tɔ ɛgwak ɛ́ mɛlyo mɛ bot ɛ lwoma nadi elyo bɛ ɛ. Bɛ nadi ɛ́ tɔ boo ɛgwakel pak'ɔɔ, bɛ nadi edɛ edee ɛ́ é di wat, nɛ ɛdjaala Zɛɛb.

Bɔɔ djas naalwood nɛ Sisim na Dɛɛ. Bhii tak bɛ moo tin elii membyak me sis, dáa Sisim nadi edjɛ bɛ ghwyil ɛlii ɛ.

Kasɛka tɔ gwoo ɛ́, dhiiti mɛwuŋal dáa ghuu na lyel-lyel eezɛlwoodal ndjaa djas bɛ nadi tɔ tak ɛ. Tin, bɛ eezɛbee esonok eezɛtyaa kɔ elo bɔɔ, tyee mengel mɛ du. Bhii tak, wɔ gwaa ngel tak zokazɛbɛka, bɔɔ epes-epes, kyee wat-wat eekɛtyaa kɔ mot nɛ mot. Bɔɔ djas naalwood nɛ Sisim na Dɛɛ. Bhii tak bɛ moo tin elii membyak me sis, dáa Sisim nadi edjɛ bɛ ghwyil ɛlii ɛ.

Mɛlu djas, bɛ nadi esɛɛga tɔ kok Ndjaa-ebuwa ɛ Zɛɛb. Bɛ nadi ededɛ edee bɔɔ ɛ́, é di wat tɔ mendjaa mɔɔ, tin bɛ nadi edɛ ɛ́ nɛ boo mɛmyaala tɔ elyem, ààbɛ nɛ lyem ɛbet. Bɛ nadi eduwal Zɛɛb tɔ mɛdjeeb, tin, bot djas nadi ekwyɛl bɛ ɛbuɛpe. Tin mɛlu djas, Ghɛŋ nadi ebil tɔ ɛdhuu ɛ lɔɔ, bot ɛ nyɛ nadi etsik ɔ.

“Zɛɛb naake náá: Tɔ mɛlu mɛ mɛsik, mɛ waadjɛ bot djas Sisim yam. Bɔn bin, bɔn botom nɛ bɔn boa bɛ aadi ɛ́ bɛngoolel ɛ Mɛkpa ɛ Zɛɛb, mengbaaz ɛ́ waakan ɛbee etɛp tyee tɔ mɛdhyam tin bɛtɔa-bot ɛ́ waadjem mɛdhyam.

Bot ɛ nadi edum koŋ nɛ Zɛɛb ɔ nadi ɛ́ lyem wat tɔ ɛgwakel. Pak'ɔɔ, bɛ nadi ekekaa esa djas bɛ nadi nɛ yɛ ɛ. Bɛ nadi ebebɔmsa esa nɛ ekum bɔɔ. Bhii tak, epata ee bɛ aabela ɛ, bɛ kekaa yɛ ɛ́ pak'ɔɔ, é ɛbee ɛkwosak ɛ mot di nɛ yɛ ɛ́.

Tin, mot aadjaala nɛ din ɛ Ghɛŋ ɔ, nyɛ waatsak.”

Ɛsok nɛ dwoo ɛ Ghɛŋ zyɛ, dwoo tak aadi ɛ́ boo dwoo nɛ duma, gwyes ɛ́ waaghomela, ngɔn ɛ́ waate zoooŋ dáa ghiya.