Popular Bible Verses from TITUS 3

Share

Tapi asum Dibata si Engkelini kita nehken perkuah ate ras kiniulinNa man banta, kita enggo ikeliniNa. Kita ikeliniNa labo erkiteken perbahanenta si mehuli, tapi erkiteken perkuah ateNa nge. Kita ikelini Dibata arah Kesah Si Badia si erbanca kita tubuh peduakaliken gelah sialoken kegeluhen si mbaru alu mbersihken kita. Dibata nguseken Kesah Si Badia si la ersibar man banta arah Jesus Kristus si Engkelini kita, gelah erkiteken lias ateNa banci kita rembak ras IA dingen ngaloken kegeluhen si tuhu-tuhu si la erkeri-kerin, si iarapken kita.

Persingetilah ia kerina gelah patuh man pemerentah ras si erkuasa. Ibegikennalah katana, dingen nggit ndalanken kerina dahin si mehuli. Katakenlah man bana gelah ola ia ncekuraki kalak si deban, tapi erdame dingen meriahlah, janah mehulilah min perbahanenna katawari pe nandangi kerina manusia.

Silahkenlah ranan sijabapen si sia-sia, kerna terombo nini-nini nai. Ola rubat, dingen ola sijabapen kerna Undang-undang. Enda kerina si lang-lang dingen la lit gunana.

Kalak si erbahan perpecahen i bas perpulungen ajarken seh dua kali jenari sirangi ia.