Popular Bible Verses from KETANGKASEN 3

Share

Nehenlah! Aku tedis i lebe-lebe pintun janah kutuktuk. Adi lit kalak megi sorangKu jenari italangina pintun, bengket me Aku ku bas rumahna jenari man Aku ras ia janah man ia ras Aku.

Kueteh kai si enggo ibahanndu. Kueteh maka mbergeh pe kam lang janah melas pe kam lang. Ulin min kam mbergeh ntah melas. Tapi perbahan kam mbernge, melas pe lang, mbergeh pe lang, Kuutahken kam i bas babahKu nari.

Kalak si Kukelengi Kuligas ras Kuajarken. E maka tutus janah jeralah.

Kueteh kai si ibahanndu. Kueteh maka labo asa kai gegehndu; enggo ikutkenndu katangKu janah la ipersokenndu gelarKu. Nehenlah enggo Kutalangi pintun i lebe-lebendu, si ise pe la ngasup ngeruksa.

Kalak si menang Kuatanken kundul ras Aku i kursi KinirajanKu, bagi genduari Aku enggo menang, kundul Aku ras BapangKu i kursi KinirajanNa.

Ikatakenndu, ‘Bayak aku janah terus tambah kebayakenku, e maka labo aku kurang kai pe.’ Tapi si tuhuna la ietehndu maka musil nge kam janah ceda kal ate kalak ngidah percibalndu. Kam musil, pentang dingen manjang-anjang.

Erkiteken ijagandu dirindu tetap ngikutken perentahKu alu saber, e maka kam pe Kujaga gelah terkelin i bas paksa kesusahen, e me kesusahen si nandangi reh ku belang-belang doni enda, guna nguji kerina manusia.

Pedas Aku reh! Jagalah kai si lit i bas kam, gelah ola lit kalak si ngerebuti pemere kemenangenndu.

E maka kekekenlah, pegegehilah kai si lit denga i bas kam ope denga mate kerina. Sabap la lit Kuidah serta perbahanenndu i lebe-lebe DibatangKu.