Popular Bible Verses from MASMUR 139

Share

Kupuji Kam erkiteken kinirejinenNdu, mejin dingen la iangkai perbahanenNdu tendingku enggejapken si e kerina.

Pepayolah aku o Dibata, tandailah pusuhku, uji dingen datkenlah perukurenku. Pepayolah ntah mawen lepak dalan si kudalani, jenari babailah aku arah dalan si tetap rasa lalap.

Kam si njadiken tep-tep bagin i bas badanku, ibentukNdu aku i bas bertin nandeku.

Ope denga aku tubuh pe enggo aku itandaiNdu, kerina wari-wari geluhku enggo isuratken i bas kitapNdu, ope denga wari-wari geluhku e ibenaken pe.

I bas Daud nari. O TUHAN, enggo iujiNdu aku, janah ietehNdu kerina kerna aku.

Ku ja aku lawes maka aku pulah i bas Kam nari? Ku ja kukiamken maka aku ndauh i bas adep-adepenNdu nari?

Kerina si kubahan ietehNdu, i dauh-dauh nari enggo ietehNdu isi pusuhku.

Ope denga pe aku ngerana, enggo leben ietehNdu kai ateku kubelasken.

Idahndu aku, subuk aku sanga erdahin ntah ngadi, kerina si kubahan ietehNdu kap.