Popular Bible Verses from MASMUR 119

Share

KataNdu kap tendang man nahengku, nerangi dalan si kudalani.

Undang-undangNdu kubuniken i bas ukurku, gelah ola aku erdosa man baNdu.

Kuga banci anak perana njagai geluhna maka la erpandangen? E me alu ngikutken kataNdu.

Malem kal ate kalak si ngikutken perentah-perentahNa, si ndarami IA alu bulat ukur.

Kam kap pengawalku dingen pembelangku, kutamaken pengarapenku ku bas padanNdu.

Terangken bangku undang-undangNdu, maka kuikutken, kudalanken alu bulat ukurku.

Bereken bangku kerincuhen ngikutken undang-undangNdu, lebihen asangken kerincuhen jadi kalak bayak.

UkumenNdu man bangku payo kap, gelah banci kupelajari aturen-aturenNdu.

Tupung i bas kiniseran pe terapul aku, erkiteken padanNdu mereken kegeluhen man bangku.

Bahan maka kuerti dingen kupatuhi undang-undangNdu, sabap i bas matuhisa dat aku kemalemen ate.

O TUHAN, ajarken bangku pengertin undang-undangNdu, gelah kuikutken seh kedungenna.

Pusuhku dem alu ceda ate, bere min bangku gegeh sue ras padanNdu.

Lanai tanggung keleng ateku man undang-undangNdu, kukusur-kusur i bas ukurku gedang-gedang nu wari.