Popular Bible Verses from MASMUR 103

Share

Pujilah TUHAN, o tendingku, ola lupa kerina kiniulinNa.

IalemiNa kerina dosa-dosandu, dingen ipepalemNa kerina penakitndu. I bas kuburen nari ipulahiNa kam, ipasu-pasuNa kam alu keleng ate ras perkuah ateNa. Alu kiniulin idemiNa geluhndu, desken rajawali tetap kam megegeh dingen nguda.

I bas Daud nari. Pujilah TUHAN, o tendingku, tendi, kula, ukurku pujilah gelarNa si badia!

Bagi keleng ate bapa man anak-anakna, bage kal me pengkelengi Dibata kalak si erkemalangen man baNa.

Bagi dauhna Timur i Barat nari, bage me ipedauhNa dosa-dosanta i bas kita nari.

TUHAN e perkuah dingen perkeleng kap, la pedas IA merawa, dingen dem alu keleng ate si tetap.

Labo kita iukumNa sue ras dosanta, labo ia erbalas man banta sue ras kesalahenta. Tapi bali ras ganjangna langit i babo doni nari, bage kal me belinna keleng ateNa man kalak si erkemalangen baNa.

TUHAN ngerajai Surga, IA raja i babo kerinana.