Popular Bible Verses from MATIUS 19

Share

Ipernehen Jesus ajar-ajarNa, jenari nina, “Si enda la banci jadi i bas manusia, tapi i bas Dibata kai pe banci jadi.”

E maka lanai bo ia dua, tapi sada. Dage si enggo ipersadaken Dibata la banci isirangken manusia.”

Erjabap Jesus, “Langa kin iogendu kata si tersurat i bas Pustaka Si Badia, i ja ikataken maka mula-mulana ijadiken si Nepasa sekalak dilaki ras sekalak diberu? Jenari nina si Nepasa e, ‘Erkiteken si enda itadingken si dilaki me nande-bapana jenari ersada ia ras ndeharana janah si dua e enggo jadi sada.’

E maka nina Jesus man ajar-ajarNa, “Pelepaslah danak-danak e reh ndahi Aku, ola ambati ia, sabap man kalak si bagi enda kap Kinirajan Surga.”

Tapi nterem kalak si arah lebe genduari jadi arah pudi pagi, janah nterem kalak si arah pudi genduari jadi arah lebe pagi.”

Man kalak si enggo nadingken rumahna, seninana ntah turangna, bapana ntah nandena, anak-anakna ntah jumana erkiteken Aku, ibereken Dibata man bana seratus kali lipat janah ialokenna me kegeluhen si tuhu-tuhu si la erkeri-kerin.

Erjabap Jesus, “Adi atendu gelah kam serta, laweslah, dayaken kerina erta-ertandu, jenari bereken duitna man kalak musil, alu bage ialokenndu me erta Surga; Jenari reh kam ngikutken Aku.”

Erjabap Jesus, “Engkai maka isungkunndu Aku kerna si mehuli? Si sada e kap ngenca si mehuli. Ikutken kerina pedah Dibata adi bengket atendu ku kegeluhen si tuhu-tuhu.”

Kukataken pe tole man bandu: sukahen unta mentas arah lubang jarum asangken kalak bayak bengket ku bas Kinirajan Surga.”

Ise ngulihken ndeharana, adi labo erkiteken ndeharana e erlagu la mehuli, ia enggo erlua-lua adi iempoina diberu si deban.”

Jenari nina Jesus man ajar-ajarNa, “Kukataken man bandu: Tuhu-tuhu mesera kal kalak bayak bengket ku bas Kinirajan Surga.