Popular Bible Verses from MATIUS 16

Share

Jenari nina Jesus man ajar-ajarNa, “Ise atena ikut ras Aku arus ipersilahangna bana, ipersanna kayu persilangna jenari iikutkenna Aku.

Janah Kukataken pe man bandu: Kam kap Petrus, batu si enteguh, janah i babo batu palas enda me Kupajekken perpulungenKu, si la tertaluken aminna pe alu kinirajan kematen.

Kubereken me man bandu kunci Kinirajan Surga. Kai si irakutindu i doni enda, i Surga pe enggo kap irakuti; kai si iosarindu i bas doni enda, i Surga pe enggo kap iosari.”

Sabap ise mpertahanken kegeluhenna, bene kap kegeluhenna e, tapi ise kebenen kegeluhenna erkiteken Aku, ialokenna me kegeluhenna e.

Lit kin gunana man sekalak jelma, adi man bana gia kerina erta-erta doni enda tapi bene kegeluhenna si tuhu-tuhu? Tentu lang! Kai pe labo banci ibahan manusia gancih kesahna.

Isungkun Jesus ka ajar-ajarNa, “Tapi iakapndu ise Aku enda?” Erjabap Simon Petrus, “Kam kap Mesias, Anak Dibata si Nggeluh.”

Ngaloi Jesus, “O Simon, anak Jona, ketuahen me kam, sabap labo manusia ngataken si enda man bandu, tapi BapangKu si i Surga kap.