Popular Bible Verses from HAKIM-HAKIM 7

Share

Nina TUHAN man Gideon, “Nteremsa Kuakap kalak ras kam. Adi nteremsa labo Kubere ia menang ngelawan Midian. Banci jadi iakapna maka ia menang erkiteken gegehna jine, e maka la iberekenna man bangKu kehamaten.

Nina TUHAN man Gideon, “Aku mulahi kam, janah Kubereken man bandu kemenangen ngelawan bangsa Midian alu telu ratus kalak si ndilati lau e. Suruh si debanna mulih ku rumah.”

E maka momokenlah, ‘Ise mbiar mulih saja ku rumah janah kami tading i Deleng Gileat enda.’ ” E maka dua puluh dua ribu kalak mulihken, tapi lit tading sepuluh ribu kalak.

Kenca bage nina TUHAN man Gideon, “Nteremsa denga si ngikut ras kam. Baba ia ku lau e, gelah Kupilihi ia i je man bandu. Adi Kukataken maka ia ikut ras kam, ia ikut. Adi kukataken maka la ia ikut ras kam, la ia ikut.”

Ibaba Gideon kalak enda ngincuah ku lau e, e maka nina TUHAN man bana, “Serapkenlah kalak si minem lau alu dilahna bali ras biang, i bas kalak si deban nari si minem alu erjimpuh.” Lit telu ratus kalak si minem alu njaruk lau alu tanna e maka idilatna; kerina si deban erjimpuh ia minem.