Popular Bible Verses from JESAYA 65

Share

Ope denga ia erlebuh enggo Kualoi, sanga ia ngerana denga enggo Kubegiken.

Nina TUHAN, “Kutepa doni si mbaru ras langit si mbaru. Kejadin-kejadin si enggo lepas ilupaken kerina.

Kelatihenna la sia-sia, janah anak-anakna pe la jumpa cilaka. Kupasu-pasu ia ras kerina kesusurenna terus ku bas paksa-paksa si reh.

Ipajekken bangsangKu pagi rumah janah ia nge ngiani rumah e, labo kalak si deban. Isuanna batang anggur janah ia nge si ngenanami ulihna, nggedang pagi umur bangsangKu, bali ras batang kayu i kerangen. Kasa kai ulihna latih, tuhu-tuhu kal inanamina.

Anak-anak lanai mate tupung ia gara-gara denga, janah umurna gedang pagi kerina. Kalak si umurna seratus tahun ikataken ia nguda denga. Kalak si mate ope denga umur si bage, e tandana maka Kuukum ia.

Anak biri-biri radu nggagat ras serigala; singa pe man dukut bali ras lembu, janah nipe lanai man kebiaren. I Sion, delengKu si badia, lanai lit si ncedai tah pe si jahat.”

Aku jine pe dem alu keriahen erkiteken Jerusalem ras bangsangKu si ngianisa. Lanai lit kalak tangis i je, lanai lit kalak erlebuh mindo penampat.