Asum kutare ku das, kuidah angin kaba-kaba si megegeh rembus i Utara nari. Kilap pe erkinar i bas embun si galang nari, janah langit i sekelewetna ersinalsal. I ja kilap ndai erkinar, i je teridah erndilap-ndilap bagi tembaga. I tengah-tengah angin si megegeh e, kuidah empat rubia-rubia tempasna bagi jelma, tapi tiap rubia lit empat ayona ras empat kabengna. Nahena pinter, janah cekilina bali ras cekili jenggi lembu, erndilap-ndilap bali ras tembaga si ipelas. Tambah ayona si empat ras kabengna si empat, lit ka pe tanna bali ras tan jelma, sada i teruh teptep kabeng. Tep-tep rubia ndai, engkirbangken kabengna sepasang, janah ujungna si degesen ras kabeng si deban, seh maka jadi persegi kecibalna empatna. Asum erdalan, radu-radu ia empatna, alu la pada erkusur lebe.