Popular Bible Verses from PENGERANA 7

Share

Ola pedas-pedassa das darehndu, sabap nembeh ate ringan kap i bas pusuh kalak lenge.

E maka malemlah atendu tupung kam sangana sangap. Tapi tupung kam kena cilaka ola kam lupa maka Dibata nge si merekenca e kerina. La si eteh kai si banci jadi pagi.

Kai-kai pe, ulin kap pendungina asangken pemenana; ulin ate saber asangken ukur meganjang.

I bas pertibi enda labo lit kalak serta, si katawari pe mehuli perbahanenna dingen la pernah ersalah.

Pemeteh mereken ketenangen bali ras duit. Kalak si i bas ia kepentaren dingen pemeteh, ia terkelin.

Gelar si merim ulin asangken minak wangi si meherga; wari kematen ulin asangken wari ketubuhen.

Madin kita ipandang kalak si erpemeteh, asangken ipuji kalak motu.

Madin ndahi ingan kalak si rate ceda asangken ndahi ingan kalak erpesta. Sabap arus maka usur siinget maka kematen enggo nimai kerina kalak.

Kalak lenge gelgel ia ngayaki kesenangen. Kalak pentar iukurina kematen.