Popular Bible Verses from PENGERANA 2

Share

Dibata si mereken kepentaren, pemeteh ras kemalemen ate man kalak si ngena ateNa e. Tapi kalak perdosa ipelepasNa latih encari dingen pepulung ulihna encari guna ibereken man kalak si ngena ateNa? E maka kerina nge sia-sia bali ras nangkap angin.

La lit si terulin man manusia seakatan man, minem dingen ermeriah-meriah ngenanami ulih latihna. Kueteh maka pemere Dibata kap e. Lit kin kalak si ngasup man dingen ersenang-senang adi la ras Dibata?

Tapi kenca kuukuri mulihi kai si enggo kulakoken, dingen kelatihenku ndahiken si e kerina, kueteh maka kerina e la lit ertina. Kerina si kubahan e la kap lit kai pe gunana.

Kai ateku dat. La pernah kualang-alangi bangku ngenanami kesenangen si kugapa pe. Megah kuakap ngidah kerina bekasku latih sabap e kap upahku.

Kueteh maka ulin pentar asangken motu, bali ras terang ulin asangken gelap.

Kalak pentar iangkana dalan si idalanina; tapi kalak motu dadap-dadap ia. Tapi kueteh ka nge maka kedungenna seri nge kerajangenta kerina.

Tapi kedungenna la banci la itadingken si e kerina man kalak si la pernah ncurcurken panas muatsa. E maka sia-sia nge kerina, la payo pe.