Popular Bible Verses from ULANGEN 5

Share

Hamati nandendu ras bapandu; enda me perentahKu, TUHAN Dibatandu, gelah mejuah-juah, janah cawir metua kam i bas negeri si Kubereken man bandu e.

Ikutkenlah kerina maka kam mejuah-juah, maka kam tetap nggeluh i taneh si nandangi iinganindu.”

Ola kam nembah erjimpuh man gana-gana, erkiteken Aku kap TUHAN Dibatandu si percimberu. Kuukum kalak si rate nembeh man bangKu, seh ku kesusurenna sundut si peteluken ras si peempatken. Tapi Kucidahken keleng ateKu man meribu-ribu kalak si erkeleng ate man bangKu ras si ngikutken undang-undangKu.

Ola bahan man bandu gambar-gambaren kerna kai pe si lit i langit ntah i doni, ntah pe si i bas lau i teruh doni.

Ola sembah dibata-dibata si deban, seakatan Aku.

Ola pake gelarKu ku tujun si jahat, sabap Aku, TUHAN Dibatandu, ngukum kalak si make gelarKu ku tujun si lepak.

Merandal kal e adi bagelah lalap perukurenna. Merandal kal adi tetap ihamatina Aku, janah adi iikutkenna kerina perentahKu, mejuah-juah ia ras sinursurna seh asa lalap.

Perdiateken wari Sabat, maka ipebadiakenndu e; enda me perentahKu man bandu, Aku TUHAN Dibatandu.

Ola mengga atendu ndehara kalak; ola mengga atendu rumahna, tanehna, budakna, lembuna, keledena, ntah kai pe sikerajangenna.’

Ola erlua-lua.

Ola ise pe iadukenndu alu pengadun si la tuhu.

Ola munuh.

Ola nangko.

Ingetlah maka kam pe nai budak nge i Mesir, janah Aku kap, TUHAN Dibatandu si mbebasken kam alu kuasa gegehku si mbelin. Em sabapna maka Aku, TUHAN Dibatandu merentahken kam mperdiateken wari Sabat.

Enem wari banci idahikenndu dahinndu, tapi wari si pepituken e me wari pekesahken si iendesken man bangKu. E maka i bas wari si e, ise pe la banci erdahin, subuk kam, ntah anak-anakndu, subuk budak-budakndu ntah asuh-asuhenndu, subuk kalak tandang si ringan i negerindu. Budakndu pe arus pekesahken bali ras kam.

‘Aku kap TUHAN Dibatandu si mulahi kam i Mesir nari, sanga kam jadi budak i jah.