Popular Bible Verses from 2 KORINTI 4

Share

Sabap kami labo natap kempak si teridah, tapi kempak si la teridah. Sabap si teridah kentisik nge ngenca; tapi kai si la teridah tetap seh rasa lalap.

Enda me sabapna maka la kami erleja-leja dingen la lesek ate kami. Aminna pe kula kami enda reh burukna reh dekahna, tapi ukur kami tep-tep wari ipelimbarui. Janah kiniseran si genduari e menahang nge dingen labo ndekah, janah ulihna e me kemulian si rasa lalap si la terturiken beratna ertimbangken kiniseran si menahang e.

Arah apai pe kami itindih, tapi la kami meripuk. Bingung kami, tapi la seh putus asa. IAyak-ayak musuh kami, tapi la kami itadingken Dibata. Idampesken kalak kami, tapi la seh getem.

Kami si jadi ingan nimpan erta-erta pertendin e, desken kudin taneh saja ngenca, gelah teridah maka gegeh si mbelin e i bas Dibata nari kap, labo i bas kami nari.

Kalak e kalak si la tek, si ukurna enggo ipepentang dibata palsu jaman enda. La ipelepasna kalak e ngidah terang sinalsal erpagi-pagi si sangana mbincar man bana. Terang e, e me Berita Si Meriah si encidahken kemulian Kristus si segambar ras Dibata.

Dibata kap si ngataken, “Ersinalsallah terang i bas gelap nari.” IA me pe Dibata si erbahanca terang e ersinalsal i bas pusuhta, gelah jelas man banta pemeteh kerna kemulian Dibata si teridah i bas ayo Kristus.