Popular Bible Verses from 1 PETRUS 5

Share

Ampekenlah kerina kearun atendu man Dibata, sabap IA kap si mperdiateken kam.

Tapi kenca kam ngenanami kiniseran kentisik, serta me kam ibahan Dibata, Si dem lias ate, Si ndilo kam gelah ngenanami kemulianNa si rasa lalap erkiteken persadanndu ras Kristus; ipetetapNa dingen ipegegehiNa kam janah iberekenNa man bandu palas si nteguh.

Tenanglah kam tapi metengetlah! Sabap Iblis imbangndu e gawah-gawah ku jah ku je bagi sada singa si erngaung ndarami si man jerngemenna. Tetaplah paguh kinitekenndu janah lawanlah imbangndu e, sabap ietehndu maka teman-temanndu si sada kiniteken i belang-belang doni enda ngenanami kiniseran bagi si inanamindu.

E maka peteruklah bandu iteruh tan Dibata si erkuasa, gelah i bas paksa si payo, ipeganjangkenNa kam.

Bage pe kam si nguda denga, patuhlah kam nandangi kalak si metua. Alu meteruk ukur erbentingkibullah kam kerina guna sisampat-sampaten. Sabap i bas Pustaka Si Badia lit tersurat, “Kalak si meganjang ukurna itulak Dibata, tapi man kalak si meteruk ukurna icidahkenNa lias ateNa.”