Popular Bible Verses from 1 JOHANES 3

Share

O anak-anakku, kekelengenta ola terjeng biber saja ntah pe i bas cakap saja ngenca. Arus maka tuhu-tuhu kekelengenta e, si teridah arah perbahanenta.

Arah enda me sieteh kekelengen e: Kristus enggo ngendesken geluhNa man gunanta. E maka kita pe arus ngendesken geluhta guna seninanta.

Nehen uga kelengna ate Bapa man banta! Bage belinna kekelengenNa man banta seh maka kita igelari anak-anak Dibata. Janah labo gelar saja, tapi tuhu-tuhu me kita anak-anak Dibata. Enda me sabapna maka doni si jahat enda la nandai kita: sabap doni la nandai Dibata.

Tapi kalak si terus erbahan dosa ia sikerajangen Iblis kap, sabap Iblis e erdosa mula-mula nari kin. Anak Dibata reh ku doni enda guna engkernepken pendahin Iblis.

Ise si enggo jadi anak Dibata la iteruskenna erbahan dosa, sabap biak Dibata lit i bas ia. Janah erkiteken Dibata kap Bapana, lanai banci iteruskenna erbahan dosa.

Adi lit sekalak bayak idahna seninana kekurangen, tapi la atena mekuah man seninana e, kuga banci kalak si bage ngatakenca maka keleng atena Dibata?

Ise si patuh ngikutken perentah-perentah Dibata, ia nggeluh i bas persadan ras Dibata janah Dibata nggeluh i bas persadan ras ia. Janah sieteh maka Dibata nggeluh i bas persadan ras kita erkiteken KesahNa si iberekenNa man banta.

Enda me lainna anak-anak Dibata ras anak-anak Iblis: ise si la ngelakoken si ngena ate Dibata, ntah pe la ikelengina seninana ia labo anak Dibata.

Mula-mulana nari kin enggo ibegindu berita enda, e me kita arus sikeleng-kelengen.

Jadi ola mamang atendu o senina-senina, adi nembeh ate bangsa doni enda man bandu.