Popular Bible Verses from Oroome'i Asso 14

Share

Mashka'oomim Waa'ik adillan Keesammi Ayyaan uwwoo muccurooma, xummaa liiranchaa bagaan ichchayyoo aggayyoo. Ee'isinne Kiristoosina awwaadookkok Waa'a liiransoohanee manni beyyonnem galaxxamaakkoohanee.

Hee'nnummaarem hee'nnoommok Moollanninatte; lenummaarem lenoommok Moollanninatte. Ee bikkina neese hee'nnummaarem lenummaarem Moollanni keeno.

Ee bikkina xumma eeboo luwwaa neese hundam qoxxisoo luwwaa hansona.

Ka lasage mat mullaannonne oogatimma ullona. Niyyabbaayyo qoloo luwwa te'im qoccoo luwwa hore'em issinoombee'isa murte'nnona.

Oohim Keesammi Kitaabanne «Moollanni Waa'i ‹An hee'oommi Waa'a. Manni hundim iina guruphphaa otossookko. Allab hundim eese galaxxookko› yoolla» yamamaa kitaabamukkisam neese hundim banxummi baxina Waa'i illagenne hincinaa xa'mmammoommo.

Amma'nnatonne hoogukkoka aa'llehe bagaan ixxi sawwitenne oogattakkotte.

Mullaannina awwaadoohaannonne oogatteena at maruchcho? Uullukkaarem ubukkaarem ixxi Moollanninatte. Moollanni uulliseena xanoo bikkina ubukkaarem uullisookko.