Popular Bible Verses from Yohaannis Kaalta 7

Share

Oono'o! Ee lasage odim ayyim xigeena xanoobee'i lobakat manna moo'ummo. Ixxuwwim minaadab hundiinsi, moolli hundiinsi, shumo'i hundiinsii wocakkam suum hundiinsii doo'llanto'oo manni hee'llo'o. Ixxuwwim qeeraa'l qadaalli eddechcha edde'lla'a ixxuwwi angannem dimbaaphphi buyya amadda'a adilla'n barcu'mmaannonnee Gereechchaannonnee illagenne uullito'o.

Ixxuwwim sagara iimaa'lla'a shuuttu'uuyyi «Neese gatisukkok adilla'n barcumanne afuuru ni Waa'aa Gereechchoo» yitam hee'llo'o.

Ee adilla'n barcu'm illagenne yoo Gereechchim ixxuwwi allaaraanchi ihaa heechcha uwwoo bu'i beyyo awwonsaa massoo bikkina ixxuwwi od sibaattamoyyoo xeebe'llamoyyoo. Eelliinchii iibbii ixxuwwa aphphisooyyo. Waa'im ixxuwwi illiinsi indiidda guullaa shiinshookko» yukko.

Ee bikkina ixxuwwi Waa'i adilla'n barcu'm illagenne uullita'a ballaa hiimoo Keesammi Minenne ikka'a Waa'ina awwaaddamuulla. Adilla'n barcumanne afuurukkokim ixxuwwinne maqire ihimminne ixxuwwina agir ihookko. Ee adilla'n barcu'm illagenne yoo Gereechchim ixxuwwi allaaraanchi ihaa heechcha uwwoo bu'i beyyo awwonsaa massoo bikkina ixxuwwi od sibaattamoyyoo xeebe'llamoyyoo. Eelliinchii iibbii ixxuwwa aphphisooyyo. Waa'im ixxuwwi illiinsi indiidda guullaa shiinshookko» yukko.

«Ni Waa'ina awwaaddam kee'n miinenne koobo'o issineembe'e uulla, dambalaqaa haqqaa hawwoddakkotte» yukko. Odim Isra'ee'l tommiinsii lamem sulliinsii ixxuwwi miinenne Waa'ik koobo'i issamu kee'n xigo macceesummo. Ixxuwwi xigim xibbee soree soor kum hee'ukko. Isra'ee'l minaadabiinsim miinenne koobo'o issamu keen