Popular Bible Verses from Maatiwoos Mishiraachcha 13

Share

Danaam uullanne wixamu sire'i moo'isookkok ka sagara qoossita'a macceessam manna. Oo manni hanqinam misha mishshamo. Ixxuwwikim matii xibbe, mullekim lohayye, mullekim sade mishookko» yukko.

Odim utti lambe'enne wixamu sire'i moo'isookkok Waa'ika sagara macceessam manna. Ihukkaarem ka uulli heechchina kichchechchii godda iittii ee macceesso'i Waa'i sagara xagaraa amadoo bikkina mishbee'i keen ikkamo.

Waa'i adilla'n bikkina macceesaa qoossoobee'ek ayyi manchim hee'ulas oo jor waaraa ixxi wodanonne wixamukkoka feeraa massookko. Googonne wixamu sire'ik kobi'llishshi moo'isookkok eehane.

«Kinaam uullanne wixamu sire'i moo'isookkok ka sagara macceessa'a ee ammanem liiranchinne aa'llam manna. Ihukkaarem ammanoominatte bagaan ixxuwwik xaph aad aagubee'i bikkina ka saga'l mashka'inne ixxuwwanne hawwi te'im yaayyanchi afoo ammane qaqqisom amma'nnatiinsi ubbamo.

Odim «Waa'i adillan abuulli woronne maaxamu diinate labookko. Mat manchi ee diinate siidu ammanenne dabaraa waammukko. Oo manchi liiramu bikkina maraa ixxena yoo luwwa hundam biteesaa ee uulla bitaa'ukko» yukko.

Odim mat mat sire'i harish uullanne ubukko. Oo sire'im mutaa matii xibbe, matim lohayye, matim sade mishukko.

muraxxi amman afeebe'e lamim maqirem li'llona. Muraxxi ammane muroo keenina sinnaarooma gaassitakka'a feettakka'a hoollehe; giirannem shokkoo'isina wixxaa'llakka'a kallehe. Ihukkaarem hurbaatooma wixxaa'llakka'a i sechchonne issehe!› yoommo» yukko.