Popular Bible Verses from Issaayyaas Kitaaba 9

Share

Oono'o, niina ciilichchi qaramaakko! Goonchi beetim uwwamaakko! Ixxi niina awwonsaanchi ihookko. Summim «Maalalsiisoo sogaancho, malaayyaam Waa'a, heer heeraxxi annaa xummina daannaa» yamamookko.

Tuunsonne hee'am hee'u minaadab oono'o, caakka moo'ukko. Tuunsi uullanne hee'oo keeninam caakki firukko.

Adilla'n daannoomina gabal bee'e; adillanim heer heeraxxi xummi leeraakkoohan ihookko. Kabadiinsi ki'isaa heer heerina hanqinnee golo'oombee'i oogato'innee wo'mmaakkoo adillan Daawiit adilla'n barcumanne qoxxoo'isa issookko. Gogoxxi Moollanni Waa'ik to'achchi kaka isseena qoodaakko.

O'l manni kobe'ii xiiginne bi'aakkoo ixxuwwi eddechchii hundim giiranne shokkookko. Gii'l haqqisam aphphookko.

Ihukkaarem u'nnanne hee'u keen ka lasage neeyyat bee'an ihooyyo. Illagee'n doolle Zaabiloo'nnekii Niftaalee'm uullii sholle'nnanne hee'ukko. Ihukkaarem lasaanchi doollenne Yoordaanoosiinsi eeqidonne Dambalaq gooqqi gammalanne mulli minaadab hee'oo Galii'l uullim lomba siidookko.

Waa'a, ki minaadaba dutissitto; liiranchinnem wo'mmitamisa issitto. Manni atoota wixxaa'oo ammane te'im qeefajja baxxamoo ammane liiramoo'isa ki minaadabim at issitti luwwanne liiramookko.

Gaassi doolle Miidiyaa'm manna kaa'llittisam kabadem ki minaadabanne iyyiisamu gaanjaqqaa cekkonne yoo biccoo iiqansitto. Ki minaadaba wor amadimminne gassam hee'ukkokam kaa'llitto.