Popular Bible Verses from Issaayyaas Kitaaba 65

Share

Ixxuwwi weeshshoo'nnim an yee yoommo; wocca'a guullitoo'nnim macceesoommo.

Waa'i «Oono'o, an haareechchi iimanee haareechchi uullaa qooccoommo. Illagee'n luwwi mahim tiiramooyyo; hore'em sawwamooyyo.

Ixxuwwii oosii an Waa'i maasse'aammoo shumo'i ikko'i bikkina ixxuwwi bax kora'anem ihooyyo; oosom bichchina qattamoyyo.

Mulli manni hee'ona ixxuwwi mine baxxamoyyo; mulli keen itonam kaassamoyyo. I minaadaphphek umur haqqi umu'llisa qeeraa'llookko. An doo'llummi keen ixxuwwi angi baxonne lobakat doolle liirantamo.

Ee lasage oosoommanonnem lehoo ciil te'im umura guulloobee'i lommanchi hee'ooyyo. Xibbi hiincho ihaa lehoo manchi harde'oommaninnem lehukkaannisa, xibbi hiincho ihoo'n lehoo manchim duumamukkaannisa xigamookko.

Oro'ii gereebbii maqire allaa'llookko; hobbim mirgo'isa bura'a itookko; hamashshi hurbaatim buchchi ihookko. Keesamaakkoo i duunanne mahim hawwoddamoyyo; bi'issamoyyome» yoolla. Kaka wocukkok Waa'a.

An Yerusaaleemanne lobakata liiramoommo; i minaadabannem liiramoommo. Ee lasage wi'llikii laachchikii sagar eekke'enne macceesamooyyo.