Popular Bible Verses from Issaayyaas Kitaaba 61

Share

Moollanni Waa'ik Ayyaan i hanennette; buxina mishiraachchi sagara alallaatona Waa'i eese doo'llaakko; wodan iiqamu keenom caccona qeefadanto'i keenina wolabbano karanto'i keeninam tirancha alallaatona eese asse'aakko. Ee'isam Waa'i niina eroomma issoo hiinchi bikkinaa ni Moollannim ni diina'iinsi baado miqisoo balli bikkinaa alallaatona wi'lloo keeno qoxxisona «Waa'i ixxi lombina kaasaakkoo muccuroo'm haqqa» yamantona Xiyoonanne wi'llitam keeno gii'lbuchchi bikkenne laakka, wi'l bikkenne liirancha zayta, kichchechchi bikkinne galaxxi eddechcha uwwona eese asse'aakko.

Ixxuwwi tuutto'i bikkenne lam suume aa'llitamo; sholle'llo'i bikkinnem ixxuwwi uullanne liirantamo. Ixxuwwi uullik sharad eraa'llaanniinsi lam suum ihookko; heer heerinam liirantamo.

An Waa'anne liiramoommo; i foorim i Moollannanne lobakata liiramookko. Mashka'oomim idaayya'n eddechcha edde'u idaayyichchisaa wereeggi eddechcha edde'llo'i idaayyichchosaa ixxi gatimmi eddechcha iina eddeesaakko; ixxi gatimmi eddechcha iina eddeesaakko; muccuruoo'm kaabbam i hanenne edaakko.

Ixxuwwim gaassiinsem ki'isaa gindamu beyyuwwa dabatta'a baxxamo; illageen gindamu keenom dabatta'a baxxamo; lobakat qaranchiinsi illageen gindamaa diihu beero'uwwa dabatta'a baxxamo.

Uulli mutaano mutisoo'isaa duubbi kaashshi beyyim fiishsho'o li'isoo'isaa Moollanni Waa'im muccuroomaa galataa hundem minaadaphphi illagennem mutisookko.

Ihukkaarem ki'nnuwwi «Waa'ina qeessuwwa; ni Moollanninam awwaadaano» yamantakkamo. Mulli minaadaphphi amaxxa ittakkamo; ixxuwwi goddannem heellantakkamo.

Waa'i «An Waa'i hanqo'i oogato iittoommo; gamoo hawwojjaa saboommo; ixxuwwi baxikam hanqo'isinne miqoommo; ixxuwwinnem heer heerina hee'oo sagara aagoommo.