Popular Bible Verses from Issaayyaas Kitaaba 6

Share

Ee lasage Waa'i «Ayye asse'oommo? Iina asse'amoodu ayyette?» yukkuuyyi macceesummo; Anim «Oono'o, an maroommo; eese asse'e» yummo.

Oo asse'amaan ixxuwwina'i ixxuwwim aa'aqqantu'uuyyi «Keesamma, keesamma, keesamma! Gogoxxi Moollanni Waa'i keesamma! uulli hundim ixxi lombinne wo'mmaakko» yitam hee'llo'o.

Anim «Oono'o, i suum haashaaramma; hee'oommokim suum haashaaramaakkoo manninnette. I illinne gogoxxi Moollanni Waa'a adila moo'ummi bikkina bi'aammo, iina aayye!» yummo.

Adil Ooziy lehu hiinchonne Waa'i qeeraa'l lombi adilla'n barcumanne afuuraakkoo moo'ummo. Ixxek lombi eddechchim Keesammi Mine ifiisaa hee'ukko.

Ee gii'l kasharinnem i suume nakkaa «Oono'o, ku gii'l kashar ki suume nakku bikkina ki hawwojji shiinshamaakko; ki baaxiilim haafamaakko» yukko.

Suraafeelluwwi ixxi kululleetanne uullita'a hee'llo'o; ixxuwwina annannichchinam loh lad hee'ukko; oo keen annannichchim lam ladinne ille, lam ladinne odim lokko ifiissam hee'llo'o; lam ladinnem barattam hee'llo'o.

Ee asse'amaaniinsim mat bararukkuuyyi i beyyo waarukko; ixxi angannem kiti'm beyyiinsi massaa amadu gii'l kashar yoo qaph hee'ukko.

Ixxim «Eehan ihulas ka minaadaphphi beyyo mattaa ‹Macceesimmina macceessakkamo; ihukkaarem qoossitakkamoyyo. Moo'immina moo'llakkamo; ihukkaarem hindihitakkamoyyo› yihe.

Odim «Illinne moo'llambee'isa, maccinne macceessambee'isa, wodaninne qoossitambee'isaa i kollonnem daba'llita'a fayye'llambee'isaa ka minaadaphphek wodan duudoo'isa, macci gawwo'isaa illi moo'oobee'isaa isse» yukko.