Popular Bible Verses from Issaayyaas Kitaaba 45

Share

Tuunsonnee daphphi beyyonnee wixxaakkoo amaxxa kiina uwwoommo. Ee'isinne keese ki summinne weeshoommi Isra'ee'l Moollanni Waa'i ihummisa laqqootto.

«An ki illaginne maroommo; duunnuwwam shiraashiroommo; naas xaa'l gooccuwwam iiqoommo; xaa'l qirqire'uwwam muransoommo.

«Waa'i xale'i anette; iinniinsim bagaan ayyim bee'e. Iinniinsi bagaan mulli Waa'i bee'e. At eese laqqibee'aarem an kiina malaayye uwwoommo. Kakam issoommok eelliinchi firiinsi ki'isaa eelliinchi aaggi afeebe'e; xale'i iinniinsi bagaan mulli Waa'i bee'isaa manni la'oo'isinatte. An Waa'a; iinniinsi mullek ayyim bee'e.

An tuunsoo caakkaa qooccummo; goddaa buxoomaa eeboommo; an Waa'i ka hundam issoommo.

«Uullanne hee'llakkam minaadab hundim gattakkamisina i kollonne daba'llehe; Waa'i xale'i anette. Iinniinsi bagaan mullek bee'e.

Minaadaba hundam gassoo'isa issummi, adilluwwika lomba sheelatoo'isa issummi, gooccuwwi xufamoobee'isa ixxi illagenne fooqaa'oommi, an ixxo doo'llaa makki anga amadummi Qiiroosinaa an Waa'i

Dabassamoobee'i hanqo'i neeyyato uwwummuuyyi i gaganne hide'aatette; hundim i beyyo waaraa i illagenne guruphphookko. I summinnem hide'ookko.

An doo'llummi Yaaqooba, Isra'eela hara'mmitoo'isina at eese laqqibee'aarem an keese ki summinne weeshaammo; Lombi summam kiina uwwaammo.