Popular Bible Verses from Issaayyaas Kitaaba 43

Share

Oono'o, an haareechchi luwwa issoommo; ixxim kaba mutookko. Qoossitakkamoyyonnihe? An uulli udma'anne googo fissoommo; ee beyyonnem wo'i bu'o uwwoommo.

At xillaalli wo'i worinne higgoo ammane an kiinninne maqir ihoommo; daajjuwwi worinne higgoo ammanem keese xuuxooyyo; gii'l worinne higgoo ammanem keese shokkiisooyyo; labanim itooyyo.

Waa'i «Kanniinsi illageen baxamu luwwa sawwitakkotte; gaassi woshsham tiittakkotte.

Yaaqooba, Isra'eela, keese qooccukkokii baxu Waa'ii «An keese gatisoommo; baddititte; at iihane; an keese ki summinnem weeshaammo.

At i illagenne bito xee'aalli luwwi'nnoo lombaamo; anim keese lobakata iittoommo; ee bikkina an ki foore gatiseena lobakat uulli minaadaba kiina tissi issaa uwwoommo.

An ki Moollanni Waa'i Keese gatisaanchi Isra'ee'l keesammi anette. An keese wolabbano fisseena Gibxa, Tophphe'ee Saaba'aa ki foo'l bikkina tissi issaa uwwoommo.

An kiinninne maqir ihummi bikkina baddititte. «Qee'l uulluwwi hundiinsim eelliinchi firiinsii eelliinchi aaggiinsii keesee ki oosoo wixxaa'aa woroommo. Hanaa'n qar fatakoo'isa woroo'n qarim hooroobee'isa ijaajoommo; i minaadab heer uullanne qee'llonne hee'oo beyyi hundiinsim daba'lloo'isa issoommo.

Oo hundim ihukkuuyyi ki'nnuwwi baaxiilo haafoommi Waa'i anette; eekkam issoommok ki'nnuwwi bikkinatti ihoo'n i gaqqi bikkinatteme; ee bikkina ki'nnuwwika baaxiilo xigoommoyyo.

«Isra'ee'l minaadaba, ki'nnuwwi i naqaashshuwwana'e; iinam awwaadaan ikkakkamisina ki'nnuwwa doo'llaammo; ee bikkina eese laqqakkamo; eesennem amma'nnitakkamo; xale'i anim Moollanni Waa'i ihummisa qoossitakkamo; hanqinam iinniinsi bagaan mulli Waa'i bee'e; kanniinsi illageenim hee'ukkoyyo; ka lasagem hee'ooyyo.

«Waa'i xale'i anette. Iinniinsi bagaan gatiseena xanookkok bee'e.

An Waa'i gaassiinsim ki'isaa anetteme; i malaayyiinsi ayyim xorooyyo; an issummokam egedeena xanookkok bee'e» yoolla.

Doo'llanto'i i minaadabina wo'o uwweena daajjuwwi udma'i uullanne daadoo'isa issummi ammane uulli moochchim exxaa eese lonsookko; wengereellii guchche'ii eese galaxxookko. Ixxuwwi an i gagina baxummi minaadaba. Ee bikkina eese mazmuurinne galaxxookko» yoolla.

An kiinninne maqir ihummi bikkina baddititte. «Qee'l uulluwwi hundiinsim eelliinchi firiinsii eelliinchi aaggiinsii keesee ki oosoo wixxaa'aa woroommo. Hanaa'n qar fatakoo'isa woroo'n qarim hooroobee'isa ijaajoommo; i minaadab heer uullanne qee'llonne hee'oo beyyi hundiinsim daba'lloo'isa issoommo. Ixxuwwi i summinne weeshanto'oo keeno; i lombinam qooccummi keeno; i anginnem axisummi keenoo anim baxummi i minaadabaa» yoolla.

Waa'i dambalaq lambe'enne googo Wo'i moo'l lambe'ennem higakkam googo gudisukko. Faraxxi gaare'uwwaa faradoo, gogotaa geedduwwaa bichchina awwonsukko; la'mmaagge ki'llambee'isa ikka'a illillaachcha ubbo'o; ufakkamaare xoo'oo caakkisa ikko'o.

An Waa'i ki'nnuwwi Keesammi Moollanna; Isra'ee'l minaadaba, ki'nnuwwa qooccummok anette. Ki'nnuwwi adilim anette» yoolla.