Popular Bible Verses from Issaayyaas Kitaaba 41

Share

An kiinninne maqirette ihummi bikkina baddititte; An kiina Moollanni ihummi bikkina muggititte. An keese qoxxisoommo hara'mmoommome; kaachcha uwwoo i wodinnem keese bakkiisoommo.

‹Hore'em baddititte muggititte; kiikka makki anga amadaa hara'mmoommo› yaa keese qoxxisansoommok an ki Moollanni Waa'ana'e» yukko.

Keesenne quuqqo'i keen hundim kaa'anta'a tuuttamo; kiinninne uullixxantam keen hundim bi'llammo; hore'em hee'llobee'aannisa ikkamo.

An keese uulli tochchiinsi worummo; qee'l uulliinsim keese weeshummo; ‹At i awwaadaancho› yaa keese doo'llummo bagaan uunjummoyyo.

Ki diina'a hassootto; ihukkaarem ixxuwwa siiddooyyo. Kiinninne orantam keenim hore'em hee'llobee'aannisa ikkamo.

Waa'i «Daquuchchi'nno'i qacaalli Isra'eela, an kiina hara'mmoommi bikkina baddititte. Keese gatisoommi Isra'ee'l keesammi anette.

Ihukkaarem iina awwaadaanchi Isra'eela, I minaadab ikkoo'isina doo'llummi at i kobichchi Abrihaam shumo'o.

Gogaalli duunnuwwanne daajjuwwi daadoo'isa issoommo; cebbuwwannem dadoo bu'uwwa fooqaa'oommo; uulli udma'uwwam wo'i delbi issoommo; gogaalli uullim bu'i daadoo beyyi ihookko.

«Buxii hawwaanii wo'o hassamo; siiddamoyyo; ixxuwwi leella'im xeebinne gogoohaare an Waa'i ixxuwwi uunxato macceesoommo; an Isra'ee'l Waa'i hore'em ixxuwwa uunjoommoyyo.

Kaka baxukkokii issukkokii agannika siyya'a qoodookkok ayyette? An Waa'i illageenim hee'ummo; ka lasagem hee'oommok anette.

Digiba, giraara, barsanaataa weeraa uulli udma'anne mutisoommo; gogaalli uullannem digib, hoom, saate'ii weerii wo'mmaakkoo doom issoommo. Iikki Waa'i angi ka hundam issukkisa anim Isra'ee'l Keesammi kaka qooccummisa hundim moo'aa xassoo'isinaa qoossaa la'oo'isinatte» yukko.