Popular Bible Verses from Issaayyaas Kitaaba 11

Share

Waa'ik Ayyaan ixxonne ihookko; qooroo'mmekii qoossimmikii Ayyaan, sogimmikii malaayyikii Ayyaan, lachchikii Waa'a baddimmikii Ayyaan ixxonne usheexxookko. Waa'a baddimmanne liiramookko; xale'i moo'ukkisinne te'im macceesukkisinne oogatooyyo.

Issayyi lugumiinsi lat firookko; niggiinsem mat caaf misha mishookko.

Ihukkaarem buxina hanqinne oogatookko; hara'mmatbee'i kee'nnekam hanqa egerookko. Ixxi sagarinne minaadaba guzumo'amookko; jor keenim bi'ookko.

Muccuroom lamaxxi saqqa amma'nnamaakkoohaannoomim midaaxxi sabbat ihookko.

Waa'aannonne keesammi duunanne hawwodoo te'im jor luwwi hore'em hee'ooyyo. Dambalaq wo'inne wo'mmoo'isa uulli Waa'a la'imminne wo'mmaakkoohan ihookko.

Oro'ii gereebbii mateeyyanne hee'ookko; kabeerim fella'i wotallinne gii'mmookko. Waataanni hobbi geexxuwwinne maqire hosookko; hoffi oosim allaarookko.

Ee ammane Issayyi shumo'i mannina mare'i ihaa uullookko; minaadab ixxo hasookko; lat firookko; ixxi heechchi beyyim lombi yoohan ihookko.