Popular Bible Verses from Gara Worra Rooma'aa 2

Share

Ati nama worra kana godhutti ka murteessitu sanuma waan gootuuf, murtee Rabbii jalaa waan baatu sitti fakkaataa? Moo arjummaan Rabbii gara aagii akka si masakku uduu hin beenne, arjummaa isaatii fi waa danda'uu durummaa obsa isaa tuffataa?

Kanaafuu ati namni nama biraatitti murteessitu maruu waan itti sababattu hin qabdu. Wonta ka biraa irratti murteessitu sanniin uf irrattillee waan murteessituuf ati murteessaan woma san waan gootuuf.

Rabbi waan nama wol hin caalfanneef.

Rabbiin afo'otti worra seera raawwatantu qajeellota ta'an malee worri seera dhagayan waan qajeellota hin taaneef.

Inni maraafuu akkuma hujii isaatiin kennaaf.

Worra nama didanii bu'aa ufii soqaniif hammeeyyii ta'anii waan mishaa dhiisanii fi worra hammeenna duukaa deeman dheekkamsa Rabbiitii fi bala'atu isaan irra gaya.

Moo gar jabumma'aa fi qalbii aagii hin galle, hennaa murtiin Rabbii qajeelaan mudhatu gaafa guyyaa dheekkamsa Rabbiitiif uf irratti kuufatta.