Popular Bible Verses from Dubbii Nagayaa Ka Maatewoosii 6

Share

Isin ammo duraan dursa'aatii jeennata Rabbiitii fi qajeellummaa soqaa'a; wonti kunniin maruu isinii eda'ama.

Kanaafuu waan boruutiif hin yaaddayinaa'a; guyyaan boruu ufiifuu yaada isa gawu qabaa; rakkinni adhaa adhaaf hin gaya.»

«Kanaaf akkana isiniin jedha, jiruu teessaniif maal nyaanna? yookaan maal dhunna? yookaan nafa keessaniif, maal uffanna?» jettanii hin yaaddayinaa'a! Jiruun nyaata, nafti uffata hin caaluu?

Ati ammo hennaa Rabbiin kadhattu gara golaa ol seenii, balbala kee cufadhuu, Abbaa kee ka dhossaa jiru kadhadhu. Abbaan kee ka dhossa'aan si argu gatii kee sii kennaa.

«Kanaaf hennaa Rabbiin kadhattan: Abbaa keenna ka samii jirtu, Maqaan kee haa woyyoomu; Jeennanni kee haa dhufu; fedhiin kee akkuma samii irratti ta'e, akkasuma lafa irrattillee haa ta'u.

Nyaata adha nu barbaachisu adhuma nuu kenni.

Akkuma nu worra nu yakkuuf dhiifnu, yakka keenna nuu dhiisi.

Hamaa jalaa nu oolchi, ataabe'etti nu hin galchin, [jeennanni, hunni, ulfinnillee baruma baraan keetii Amiin!]

«Isin yoo yakka namootaa dhiiftan, Abbaan keessan ka sami'ii cubbuu keessan isinii dhiisa.

Simbirroota sami'ii laalaa'a; isaan hin facaafatan, hin haamatan, gootara'attillee hin galfatan, Abbaan keessan ka samii jiru isaan nyaachisa. Isin guddiftanii simbirroota hin caaltanii?

Yesuus ammallee akkana jedhe, «Qabeenna keessan lafa irratti hulee rimminii fi dammeessaan balleessutti, hulee hattoonni cabsanii hatanitti hin kuufatinaa'a. Isin qabeenna keessan samii irratti hulee rimminii fi dammeessaan hin balleessinetti, hulee hattoonni cabsanii hin hannetti kuufadhaa'a. Hulee qabeenni keessan jiru garaan keessanillee jira waan ta'eef.»

Yesuus ammallee, «Eennullee ka gooftaa lamaaf buluu danda'u hin jiru. Tokko hin jibba, kaan ammo hin jaalata; yookaan tokkochaaf uf kennee kaan ammo hin tuffata. Akkasuma Rabbii fi duniya'aa qixa bitamuu dandeettan» jedhe.

Rabbi abaaboo raasa'aa ka adha jiru, ka boru ibiddatti gatamu yoo akkanatti ka uwwisu ta'e, isin bada worra amantii dhidhu'uu; attamitti caalchisee isin uwwisuu dadhaba ree?

Ati ammo hennaa arjoomtu arjummaan kee dhossa'aan akka ta'u, waan harki kee ka mirgaa hojjatu harki kee ka bita'aa hin beekin! Abbaan kee ka waan dhossa'aan godhame argu jasaa kee ifaan sii deebisa.

Yesuus ammallee akkana jedhe, «Namni akka isin arguuf jettanii hujii mishaa afoo isaaniititti akka hin hunye uf eeggadhaa'a! yoo akkas gootan ammo Abbaa keessan ka sami'ii biraa gatii woyiituu hin argattan.

Yesuus ammallee akkana jedhe, «Hennaa soomtan akka worra fakkeessuu uf hin daalacheessinaa'a; isaan akka soomaniiran namootatti uf mudhisu'uuf fuula guuran. Dhugamaan isiniin jedha, isaan gatii ufii fudhataniiran. Ati ammo hennaa soomtu fuula dhiqadhu; mataa keellee dibadhu; soomuun kee abbaa kee ka waan dhossa'aan hojjatamu maraa arguuf; ka biraa eennullee akka hin argine godhi! ka waan ati dhossa'aan hujju maraa argu gatii kee sii kenna»