Popular Bible Verses from Dubbii Nagayaa Ka Maatewoosii 18

Share

Hulee namoonni lamaa yookaan sadihi ta'anii maqaa kiyyaan wol gayanitti ani isaan woliin jira» jedhe.

Ammallee ani akkana isiniin jedha, isin keessaa namni lamaa biyya lafaa irratti woma kamiifuu wolii galanii yoo Waaqa kadhatan, Abbaan kiyya ka samii jiru waan isaan kadhatan san isaanii godha.

Inni daa'ima tokko waamee afoo isaanii dhaabsisee akkana jedhe, «Ani dhugamaan isiniin jedha, deebitanii yoo akka daa'ima kanaa hin taane, jeennata sami'ii horoma hin galtan.

Eennullee ka akka daa'ima kanaatitti ka gad uf qabu jeennata sami'ii keessatti ka maraa caalu ta'a.

Eennullee ka daa'ima akkasii maqaa kiyyaan simatu maruu na simata.

«Ani dhugamaan isiniin jedha, wonti isin lafa irratti hiitan maruu sami'ittillee ka hidhame ta'a. Wonti isin lafa irratti hiittan maruu sami'ittillee hin hiikkama.

Maarre isin keessaa gari gariin obboleessa ufiitiif gara'aan yoo dhiisu'uufii dhabaate Abbaan kiyya ka sami'iillee akkasuma isin irratti godha» isaaniin jedhe.

Worra natti amanan didiqqaa kanniin keessaa ka tokko gufachiisu maruu dhagaan daaku'uu guddaan morma isaatitti hidhamee gara qilee galaanaatitti gatamuu isaa woyyaa.

Maal isinitti fakkaata? Namni tokko uduu hoolota dhibbaa qabaatee isaan keessaa takkattiin yoo jalaa badde, sagaltamii sagal gaara irratti dhiisee ta badde san hin soquu?