Popular Bible Verses from Raajii Hisqeelii 4

Share

«Eeganaa ati cinaacha kee ka bita'aatiin ciisi; ati cubbuu worra Israa'elii baadhu; guyyaa cinaacha keetiin ciiftu maraa cubbuu isaanii baadhatta. Haga bara worri Israa'elii cubbuu hojjate baay'inna guyya'aa sii murteesseera; guyyaan tokko waan woggaa tokkooti jechu'u; kanaafuu ati guyyaa dhibba sadihii fi sagaltamaa cubbuu worra Israa'elii baadhatta.

Haga waan kana gooteen maayessa cinaacha kee ka mirgaatitti gara galtee ciiftee haga guyyaa afurtamaa yakka worra Yihuuda'aallee hin baadhatta; kunillee adabbii ani wogga wogga'aan isaan adabuun wol qixa jechu'u.

Ati amma qamadii, garbuu, baaqelaa, Misira, Misinga'aa fi ajjaa fuudhii wolitti makii daassisii budeena godhadhu; kun nyaata guyyaa dhibba sadihii fi sagaltamaa hennaa cinaacha kee ka bita'aatiin ciiftu nyaattu.