Popular Bible Verses from Raajii Hisqeelii 37

Share

Innillee akkana naan jedhe, «lafeewwan kanniinitti akkana jedhii raaga dubbadhu; «isin lafeewwan goggogaan dubbii Rabbii dhagayaa'a. Waan Ani Rabbiin maraa olii jedhu maraa akkana jedhii isaanitti himi; Ani hafuura isin keessa kaaya; akka deebitanii lubbu'uun jiraattan isin taasisa.

Ribu'uu fi foon isinii kennee gogaa isinitti uwwisa; hafuura isin keessa kaayee akka isin deebitanii lubbu'uun jiraattan isin taasisa; hennaa san akka ani Rabbiin ta'e beettan.»

Inni akkana naan jedhe, «Ilma namaa! lafeewwan kunniin waan deebi'anii lubbu'uun jiraatan sitti fakkaataa?» Anillee akkana jedheen, «Rabbii maraa olii! ka waan kana beeku sima»

Hunni Rabbii na irra dhufe; Hafuurri fuudhee gara dhooqa lafeewwan hedduu itti wolitti qabamanii na fide; Achi keessa na naannessee lafeewwan hedduu natti mudhise; achi keessa lafeewwan heddutu jira.

Anillee akkuma inni na ajaje raaga dubbadhe; akkuma raaga dubbachuu jalqabeen laagaa waan socho'uu dhagaye; lafeewwan sunniin ufumaa wolitti dhufa'aa wol qabachuu jalqaban. Uduma ani isaan laalu lafeewwan sunniin ribuu, foonii fi gogaa uffatan; ufii ammo hafuura hin qaban ture.