Popular Bible Verses from Seera Bayu'uu 7

Share

Rabbi Muuse'een, «Ila ani Fari'ooniin irratti akka Waaqaa akka taatu si taasisa; obboleessi kee Aaroon raagaa sii ta'a.

garuu ani onnee Fari'oonii hin jabeessa; biyya Misiriititti maalale'ee fi baasa kiyya baay'eessa. Fari'oon ammo isinii hin dhagawu; ani irree kiyya biyya Misirii irra kaaya; isaan adabee banii kiyya ijoollee Israa'elii biyya Misiriitii baasa.

worri biyya Misirii hennaa ani irree kiyya isaan irratti kaasee ijoollee Israa'elii isaan jiddu'uu baase, akka ani Rabbiin ta'e na beekan» jedhe.

Kanaan maayessa Fari'oon ogeeyyi'ii fi worra mita hojjatan waame; mortuunii fi worri asmaa hojjatan ka biyya Misiriillee akkasuma godhan. Isaan maruu uleewwan ufii lafa buusan; ta isaaniillee bofa taate; uleen Aaroonii ammo uleewwan isaanii liqimsite.

Rabbi akkana jedha; «Akka ani Rabbiin ta'e kanaan beetta; ani ulee harkaa qabu tanaan bisaan lagaa kana dhaya; bisaanillee jijjiiramee dhiiga ta'a.

«Yoo Fari'oon ‹Maalalee natti mudhisaa› isiniin jedhe; Aarooniin ulee tee fuudhiitii bofa akka taatu Fari'ooniin afoo buusi» jedheen. Kanaaf Muuse'ee fi Aaroon Fari'ooniin bira seenanii akkuma Rabbi isaan ajaje san godhan; Aaroon ulee ufii Fari'oonii fi garboota isaa afoo buufnaan uleen bofa taate.