Popular Bible Verses from Raajii Daani'eelii 2

Share

Ogummaanii fi hunnillee ka isaa waan ta'eef Rabbii baraa haga bara baraa galanni haa ta'u! Inni henna'aa fi ji'oota wol jijjiira; mootota teessoo isaanii irra kaaya; teessoo ulfinnaa irraallee hin buusa; ogummaa ogeeyyi'ii, beekkumsa worra waa hubatuu isatu kenna. Inni waan dhossaa keessi fago'ootii fi waan dhokate maraa hin mudhisa; hennaa maraa isa bira ifti waan jiruuf, waan dukkana keessatti dhokate maraa hin beeka.

Daani'eel «mootii kiyya! waan dhossa'aa ka ati gaafatte ogeeyyiin, worri moru, worri asmaa katabuu fi worri mita hojjatu sitti himuu hin danda'an. Ka waan dhossa'aa maraa ibsu ammo Waandhi tokkichi samii jira; inni waan durana ta'u'uuf ta'u maraa sii ibseera; eebjuun ati siree kee irra uduu ciifteertu eebjottee fi mudhanni mataa kee keessa jiru kana.

Bara mootota sanniinii Waandhi sami'ii mootummaa sirima hin diiggamnee fi ka bulchiinsa isi'ii baniin kumillee hin uggine hundeessa; mootummaan kun mootota biraa haga dhumaa sirima balleessa; inni ammo baraa haga bara baraa jiraata.