Popular Bible Verses from Kurõ Fesiya Od 11

Share

Engel namba sewen anĩ yogon taur wese fe di, saa ilun ait odug wowã ye fen, diron: “Tenebur nẽ tano are, neda Odug ado yogon Kristus nẽ tano wõ yen, age fe di, ĩ gai gai lo fiya nigin anĩ nẽ mudur ibodõf.”

Teneub ganan waud sanen, anĩ ere, ogon didi mogo isin. Tamo gare den anĩ es fediya sain mogo isin, ogon ferfer profet, ogon tamo kayau fateul ado, idi ogon yanã nigin anini den anidi nanaal ado odudug, mala solo ifenẽdiya sain mogo isin, idi teneub daũ difef anidi daũ fediya sain mogo isin.”

Age dife di, aya neu od megeir fiya nẽ isennẽya tamo uru megeir afenẽdi di, idi 1,260 naa anidi bun wau gudũ fiya nẽ gabar difoun ken, profet od kurõ difesiyouf.”

Anĩ ere, naa towo ado naa taka atun anĩ bure fele di, mata neseya nẽ uur Negur bunem idi namedin ilen, age fe di, idi fafã de difaren. Age dife di, idi diledin are kumĩ tererẽ den.

Tamo eneidi saa katĩ feleya nẽ megeir ado nigin, idi profet od wogõ douf sain, uyẽ to isiyouf, agef fen, idi naan falei fe di, naud wõya nigin megeir ado fen, ereb sain orodif kilei, idi ereb sane fire fire bunem teneub yũya nẽ megeir ado.

Eneidi are oliv aa uru ado lam tutur uru, tenebur nẽ Odug wagen difaref. Takam idi darau ifenẽdiya nigin age fouf are, yã eweid bunem wõ ye fen, idi neid kiwai tar oditekei yakur falauf. Aibem taka idi darau ifenẽdiyou fenẽ age fouf, are agef laa fouf bagai.