Popular Bible Verses from Jon 21

Share

Sain idi saaf dakas fen, Jesus Simon Pita irokenen, “Simon Jon naal, õ aya nigin fatuk waũ laa fef, tunĩ eneidi neid wal fiya de?” Pita iron, “Odug, momoi, õ keleĩ, aya õ nigin wau laa fef.” Jesus iron, “Neu sipsip momou ufoutneĩd.” Baban Jesus iron, “Simon Jon naal, õ aya nigin waũ laa fef de?” Pita solof iron, “Odug, momoi, õ keleĩ, aya õ nigin wau laa fef.” Jesus iron, “Neu sipsip kulatun wiyẽdiyouf.” Jesus Pita iroken towo fe fen, iron, “Simon Jon naal, õ aya nigin waũ laa fef de?” Pita wau moron, ere nigin, Jesus ĩ to fiyẽ towo fen, “Õ aya nigin waũ laa fef de?” Pita iron, “Odug, ereb ereb ganan õ keleĩ, õ keleĩ, aya õ nigin wau laa fef.” Jesus iron, “Neu sipsip ufoutneĩd.

Aya õ momoi bagai arokonok, sain õ gaun, õ naki rel, ogon oroya dõ fen uledig, anĩ ere, sain õ tubau bun, imã walese di, taka nem ifõyo ken, õ to oroyok nẽ an irouleyõf.”

Ĩ irokenẽdin, “Waag siri biya melem kakãg urãg fen, tunĩ gei gouf.” Idi age difen sain, idi kakãg dĩ fiya kisi feleya san, ere nigin, gau musei biya.

Simon Pita idi irokenẽdin, “Aya gau nigin ayõ fenẽ.” Idi diron, “Amãg õ geid talauf.” Anĩ idi dile, waag bun sosõ den, anĩ ere, bõ anĩ bun, gau taka to dalen.