Popular Bible Verses from 2 Pɛtɛlɔ 1

Share

Kakua ɔɔtɔɛcha biisɛ bitoenga bae mɔ mwɛchɔ wiito monda mwe bɔkɛtɛ bwakɛ kɔmɔa toongwe ne bikete bitokonda awɛ. Waketa bobo ne ko kotobeka amɔɔsa naakɛ ne tɔbɛ mo kocheba olya watwitana, ne tokonje bimɔ ko boombe ne bwaachi bwakɛ. Ko boa, Kakua ɔtɔɛchɛɛ biemo bye ibɛi lyakoba lyatolaa awɛ. Waketa bobo kɔmɔa koetea maa malai maakɛ baanu mooloke ko manɛnɛ matobaka koetea ikaa le moono mɔ mɔsɛngɛ, ne moongwe boa bwaanga awɛ.

Kɔ bɔbɔ, mwifɛkɛɛnyɛ kokondoa byaachi ko lea iekekeo linu, ne ku bia byaachi binu kokondoa lokani, ne ko lokani lwinu kokondoa bichebe, ne ku bichebe kokondoa kwikɛnga ne bwabea, ne ku kwikɛnga ne bwabea kokondoa kokemya motema, ne ko koa kokemya motema kokondoa koketa bitokonda Kakua. Ne ku bia bitokonda Kakua, mokondoe kokonda babotwa niinu, ne ko kokonda babotwa niinu mokondoe, kokonda.

Kɔ kɔmɔa, ingɛ moe na bibi biisɛ bikete ne koketa bɔtɔɔcha abyo, bitabakwase kokamba ne koya kombaa ko kocheba Mwaame wiito Yɛsu Kilisito.

Kɔ bɔbɔ, ee babotwa naanɛ, Kakua wabasɔbɔa ne kobaitana. Kɔ bɔbɔ mwifɛkɛɛnyɛ kɔmɔa maa makomo mamɔɛkɛ maachi, ne mwasoketa bobo, mokaingee mo bwabea naa nabo.