Popular Bible Verses from 1 Pɛtɛlɔ 4

Share

Kombaa kwe biisɛ moongwe mo kokondana kotasi kɔkɔɛka, kɔmɔa kokondana kutuchimya bwabea bwabua.

Mondo ɔɔsɛ asambea banu okambekye keemo kɛsɛ kye motema kyamɔɛcha Kakua ko kokwasa bakinɛ. Ko bobo motaongwe basangi baachi batocheba kosanga keemo kɛsɛ kye motema kya mɔɛcha Kakua.

Olya otoeyekya, ɔbɛɛ mo koeyekya Makomo ma Kakua botokoka amɔ. Na olya otokwasa bakinɛ, ɔbakwasaye ne bɔkɛtɛ bwamɔɛcha Kakua, abɔ batoketa bobo, kɔmɔa Kakua osekiwe ko makomo masɛ koetea Yɛsu Kilisito wee ne boombe ne bɔkɛtɛ meombo ne meombo, bɔbɔ.

Ingɛ mondo ookonja manɛnɛ kɔmɔa oe mokilisito, ndamɔnaya masɔni. Osekaye Kakua kɔmɔa ɔsɔɛbwa lea chiina.

Kɔbɔnga kwe biemo biisɛ kungaolea. Kɔ bɔbɔ moongwe ne lokani ne kuchiboa miisɔ ko bwabea ko baanu koongwa nɛ bɔkɛtɛ bye kwiyaya kwa Kakua.

Babotwa naanɛ, nde kokanakana kɔ kɔmɔa manɛnɛ makoo mɛ kɔɛlɛkiwa kwinu. Kɔkɔ kɔɛlɛkiwa mokobaekaya boe kikinɛ keemo keyakeya kwinu. Mɔmɛmaye kɔmɔa moe mo kosambea na Kilisito manɛnɛ. Kɔ bɔbɔ motainande nɛ kɛmɛmɔ atamɔɛkɛ awɛ mo boombe bwakɛ.

Mɔsɛkɛanaye asambea banu kotasi busu.

Ko bobo bando bae mo kokonja manɛnɛ kɔmɔa bae mo koketa botokonda Kakua, baketaye byaachi. Kabee babeke metema yaabɔ mo mabɔkɔ ma Kakua wabasɛnga, ne otoketa bya laa awɛ.

Totocheba itɛ Kilisito wakonja manɛnɛ kɛ lɔkɔba. Na baanu mwifɛkɛɛnyɛ moongwe ne lokani boe lwakɛ. Kɔmɔa, mondo utwimenya manɛnɛ me mobee, bitokoka oongwe mɔ kɔlɛkɛa koketa bwabea. Ko leno, muuchikanaya kabee mo koketa bitoekya kɛ lɔkɔba, muchikane mo koketa bitokonda Kakua ko keeko kesobasaela baanu kuchikaa mɔ mɔsɛngɛ.

Kende basɔmɔbɛngɛa kombanga yee komoyea Kilisito, mosoenoka! Kɔmɔa moe ne Motema we boombe wa Kakua.