Popular Bible Verses from Римлилер 8

Share

Қудай Өзин сүйетуғынларға, яғный Оның қәлеўи бойынша таңланғанларға ҳәмме нәрсени жақсылық қылып хызмет еттиретуғынын билемиз.

Өйткени мен исенемен: өлим де, өмир де, периштелер де, ҳәкимшиликлер де, ҳәзирги ҳәм келешек заман да, күшлер де, бәлентлик те, тереңлик те, улыўма, жаратылған ҳеш бир нәрсе бизлерди Қудайдың бизлерге Ийемиз Масийх Ийса арқалы берген сүйиспеншилигинен айыра алмайды.

Соның менен бирге, Мухаддес Руўх та ҳәлсиз болған бизлерге жәрдем береди. Өйткени бизлер қалай дуўа етиў кереклигин билмеймиз. Бирақ, Мухаддес Руўхтың Өзи сөз бенен айтып жеткизе алмайтуғын дәрежеде нала шегип, бизлер ушын Қудайдан өтиниш етеди.

Олай болса, буған не деймиз? Егер Қудай бизлерди жақласа, бизлерге ким қарсы тура алады?

Солай етип, Масийх Ийсаға тийисли болғанларға қарсы енди ҳеш қандай ҳүким жоқ.

Гүнакар тәбият басқаратуғын ой-пикирлер өлимге, ал Мухаддес Руўх басқаратуғын ой-пикирлер өмирге ҳәм тынышлыққа еристиреди.

Бирақ, булардың ҳәммесиниң үстинен бизлерди сүйетуғын Масийх себепли үлкен жеңиске ерисемиз.

Мениң ойымша, ҳәзирги қыйыншылықлар келешекте бизлерге берилетуғын уллылыққа салыстырғанда ҳеш нәрсе емес.

Масийхтың сүйиспеншилигинен бизлерди ким айыра алады? Ҳеш ким. Қыйыншылық та, қайғы да, қуўдалаў да, ашлық та, жалаңашлық та, қәўип те, қылыш та айыра алмайды.

Адамлардың кеўиллеринде не бар екенин билиўши Қудай Мухаддес Руўхтың ой-пикирлерин биледи. Себеби Мухаддес Руўх мухаддеслер ушын Қудайдың ерки бойынша өтиниш етеди.

Қудайдың Руўхы менен басқарылатуғынлардың ҳәммеси – Қудайдың балалары.

Өйткени гүнакар тәбиятының жетелеўи менен жүретуғынлар өз гүнакар тәбиятының қәлейтуғын нәрселерин ойлайды, ал Мухаддес Руўхтың жетелеўи менен жүретуғынлар Мухаддес Руўхтың қәлейтуғын нәрселерин ойлайды.

Қудай, ҳәтте, Өз Улын да аямай, Оны бизлердиң ҳәммемиз ушын қурбанлық қылып бағышлаған болса, Оның менен бирликте бизлерге ҳәмме нәрсени бермес пе екен?

Мухаддес Руўхтың Өзи бизлердиң руўхымыз бенен бирликте Қудайдың балалары екенлигимиз ҳаққында гүўалық береди. Егер бизлер Қудайдың балалары болсақ, онда мийрасқа ийе боламыз. Масийх пенен бирге уллыланыў ушын, Оның менен бирге азап шексек, онда бизлер Масийх пенен бирге мийрасқа шерик болған Қудайдың мийрасхорларымыз.

Себеби гүнакар тәбият басқаратуғын ой-пикирге ийе адам – Қудайға душпан. Ол Қудайдың Нызамына бойсынбайды ҳәм бойсына алмайды да.

Соның менен бирге, пүткил жаратылыс Қудайдың Өз балаларын ашық көрсететуғын күнин интизарлық пенен күтпекте.

Бизлерге мәлим, пүткил жаратылыс ҳәзирге дейин бирликте толғақ азабын шеккендей азап шегип, нала етпекте.