Popular Bible Verses from Римлилер 14

Share

Өйткени Қудайдың Патшалығы жейтуғын ҳәм ишетуғын нәрселерден ибарат емес, ал ҳақлық, тынышлық ҳәм Мухаддес Руўх беретуғын қуўаныштан ибарат. Масийхқа усы жол менен хызмет ететуғын адам Қудайға унайды ҳәм ол адамлардың мақтаўына ылайық.

Жасасақ, Ийемиз ушын жасаймыз. Өлсек те, Ийемиз ушын өлемиз. Солай етип, жасасақ та, өлсек те Ийемизге тийислимиз.

Солай етип, өзлеримизди тынышлық алып келетуғын ҳәм өз ара руўхый күш беретуғын ислерге бағышлайық.

Сонлықтан буннан былай, бир-биримизди ҳүким етпейик. Керисинше, туўысқаныңызды азғырыўға салмаўға ҳәм оның исенимине зыян келтирмеўге тырысыңлар.

Мухаддес Жазыўда Жаратқан Ийе былай дейди: «Тирилигим ҳақы ант ишемен: Ҳәр бир адам Мениң алдымда дизе бүгеди. Ҳәр бир тил Мениң Қудай екенимди ашық тән алады». Солай етип, ҳәр бир адам өзи ушын өзи Қудай алдында жуўап береди.

Исеними ҳәлсиз адамды оның пикирлери ҳаққында тартыспай қабыл етиңлер.

Басқаның хызметшисин ҳүким ететуғындай, сен кимсең? Хызметши өз хожайынының алдында турады ямаса жығылады. Ол аяққа турғызылады. Себеби оны аяққа турғызыўға Ийемиздиң қүдирети жетеди.