Popular Bible Verses from Даниел 9

Share

Қудайым Жаратқан Ийеге дуўа етип, гүналарымызды мойынлап, былай дедим: «О, Ийе, уллы ҳәм айбатлы Қудай! Сени сүйип, буйрықларыңа бойсынғанлар менен дүзген келисимиңде садық қаласаң!

Қудайым, қулақ салып, есит! Көзлериңди ашып, бизлердиң шеккен азабымызға ҳәм Өз атың менен аталған қалаңның аўҳалына қара. Бизлер өз ҳақлығымызға сүйенип емес, ал Сениң шексиз мийримиңе сүйенип жалбарынамыз. Ийе, қулақ сал! Ийе, бизлерди кешир! Ийе, нәзер салып, ҳәрекет ете гөр! Қудайым, Өзиң ушын асыға гөр, өйткени бул қала ҳәм халық Сениң атың менен аталған».

Сонда мен жүзимди Қудай Ийе тәрепке бурып, жалбарынып дуўа еттим, ораза туттым, аза кийимин кийип, күлге отырдым.

Қудай Ийемиз, бизлер Саған қарсы бас көтерсек те, Сен гүналарымызды кешириўши, реҳимли Қудайсаң.

Сол ҳүкимдар көп халықлар менен бир ҳәпте күшли бир келисим дүзеди. Сол ҳәптениң ярымы өткенде, ол қурбанлық ҳәм садақаларға шек қояды. Және де, Ибадатханаға ўайран қылатуғын жеркенишли бир затты орнатады. Бул – ўайран қылыўшы ҳүкимдарды жоқ қылыў ушын Қудай белгилеген күнге дейин даўам етеди.