Popular Bible Verses from 1 Юхан 2

Share

Дүньяны ҳәм дүньядағы нәрселерди сүймеңлер. Ким де ким дүньяны сүйсе, онда Әкеге деген сүйиспеншилик жоқ. Себеби дүньяда болған ҳәр бир нәрсе: денениң қәлеўлери, көздиң қәлеўлери ҳәм өмирдеги менменлик Әкеден емес, дүньядан.

Дүнья ҳәм оның қәлеўлери өтип кетеди, бирақ Қудайдың еркин орынлаған адам мәңги жасайды.

«Қудайда жасайман» деген адам Ийса сыяқлы жасаўы шәрт.

Балаларым! Мен буларды сизлерге гүна ислемеўиңиз ушын жазып атырман. Бирақ егер биримиз гүна ислеп қойсақ, Әкениң алдында Жақлаўшымыз, ҳақ болған Ийса Масийх бар.

«Оны билемен» деп, Оның буйрықларын орынламаған адам өтирикши, онда ҳақыйқатлық жоқ.

Егер Қудайдың буйрықларын орынласақ, Оны билетуғынымызды усы арқалы билип аламыз.

«Нурдаман» деп, туўысқанын жек көретуғын адам еле қараңғылықта болады.

Ийсаның Масийх екенин тән алмаған адам өтирикши болмаса, онда ким өтирикши? Әкени ҳәм Улды тән алмаған адам – Масийхқа қарсы турыўшы.

Улды тән алмаған адамда Әке де жоқ. Ал Улды тән алған адамда Әке де бар.